कवळी बसविल्यानंतरची काळजी
- १) सुरवातीला जास्त लाळ येण्याचा त्रास होतो, पण २ ते ४ दिवसानंतर हा त्रास रहात नाही.
- २) कवळी बसविल्यानंतर तोंड येणे, हिरड्या सळसळणे, हिरड्यांना सूज येणे किंवा इतर कोणतेही त्रास होत असल्यास दतंवैद्यांना भेटावे.
- ३) कवळी बसविल्यानंतर ताबडतोब जेवणास सुरुवात करु नये.
- ४) सुरवातीच्या ३-४ दिवस मोठ्याने बोलण्याची सवय करावी.
- ५) ६-८ आठवड्यापर्यंत मऊ पदार्थ खावे तसेच सवय लागेपर्यंत छोटे घास घ्यावेत.
- ६) काहीही खातांना दोन्ही बाजूंच्या दातांनी खावे. समोरच्या दातांनी काही तोडू नये.
- ७) चिकट तसेच कडक पदार्थ जसे खोबरे, सुपारी, चिक्की इ. पदार्थ खाऊ नये.
- ८) काहीही खाल्यानंतर चूळ भरुन कवळी स्वच्छ ठेवावी.
- ९) रात्री झोपतांना कवळी काढुन बंद डब्यात पाण्यात ठेवावी.
- १0) कवळी, ब्रश व हात धुण्याच्या साबणाने धुवावी. कवळीची आतली व बाहेरची बाजू स्वच्छ करावी.
- ११) कवळी बसविल्यानंतर २१ दिवसानंतर पुन्हा दवाखान्यात तपासण्यास यावे.
- १२) कवळी तुटल्यास ती स्वतः जोडण्याचा प्रयत्न करू नये किंवा कवळी तशीच वापरू नये त्वरीत दंतवैद्यांचा सल्ला घ्यावा.
- १३) नवीन कवळी बसविल्यानंतर जुनी कवळी वापरू नये.
- १४) एकच कवळी खुप वर्षे वापरु नये.